4 մթերք, որոնք օգտակար են աղիների համար. news.am

Մարսողական եւ փորկապության խնդիրներին կյանքի այս կամ այն ժամանակահատվածում բախվում են գրեթե բոլորը: Ձեր ուշադրությանն ենք ներկայացնում մի քանի մթերք, որոնք ունեն թույլ լուծողական ներգործություն ու կարող են օգնել փորկապությունների դեպքում:

Գերչակի յուղ

Գերչակի յուղը պատում է աղիների լորձաթաղանթը՝ առանց դրա պատերից հեղուկը կլանելու: Սակայն այն ինքնուրույն գործածել խորհուրդ չի տրվում ՝ ավելի լավ է խորհրդակցել բժշկի հետ եւ օգտագործել չափավոր, քանի որ մեծ ծավալների դեպքում այդ յուղը կարող է վնասել աղիների հյուսվածքը:

Հալվե

Հալվեի գելը լավացնում է մարսողությունը եւ աղիների աշխատանքը: Փորձեք այդ գելից երկու ճաշի գդալ ավելացնել մի բաժակ ջրի կամ մրգահյութի մեջ ու խմել քաղցած ժամանակ: Նախապես ցանկալի է խորհրդակցել բժշկի հետ, քանի որ ոմանք հալվեից կարող են ալերգիա ունենալ:

Խնձոր

Խնձորը հագեցած է մարսողության համար օգտակար մանրաթելերով, որոնք օգնում են պայքարել փորկապության դեմ ու խթանում են աղիների աշխատանքը: Մարսողական համակարգը լավ վիճակում պահելու համար հարկ է օրական մեկ-երկու խնձոր օգտագործել:

Բջջանյութ

Բջջանյութը, որը պարունակվում է տարբեր մթերքներում, նույնպես նպաստում է աղիների աշխատանքի լավացմանը: Սննդակարգում խորհուրդ է տրվում շատացնել կանաչին, թարմ բանջարեղենը, թեփով հացն ու վարսակաշիլան:

Հարցեր, պատասխաններ, մեկնաբանություններ